Tungkol kay Doug Batchelor
Naranasan ni Doug Batchelor ang matinding pagbabago sa buhay. Mula sa pagiging anti-social at ermitanyong gumagamit ng droga, siya ay naging isang respetadong guro ng Biblia sa buong mundo. Ang kanyang paglalakbay ang humubog sa kanya bilang isang kahanga-hangang tagapagsalita na madaling kinikilala at kinagigiliwan ng mga tagapakinig sa iba't ibang panig ng mundo.
Sa kasalukuyan, siya ang presidente ng Amazing Facts International, isang multimediang Kristianong ministeryo. Siya ang nagho-host ng lingguhang programa sa radyo na Bible Answers Live, na ipinapalabas tuwing Linggo ng alas-7:00 ng gabi, oras ng Pacific. Makikita rin siya linggu-linggo sa programang Amazing Facts with Doug Batchelor na ipinapalabas sa iba't ibang network sa buong mundo.
Bilang anak na tinedyer ng isang ama na tycoon sa aviation at ng isang ina sa show business, taglay ni batang Doug ang lahat ng kayang bilhin ng pera—ngunit hindi niya matagpuan ang tunay na kapayapaan at kaligayahan. Bilang isang problemadong kabataan, nakipag-away siya sa paaralan, nagkaroon ng mga iniisip na pagpapakamatay, at sa huli ay tumakas mula sa bahay nang siya ay 15 taong gulang pa lamang.
Nasuklam sa buhay at kumbinsidong wala itong tunay na kabuluhan, nagpasya si Doug na maranasan ang mundo nang walang pakundangan. Nagpakasubsob siya sa droga, gumawa ng mga krimen, at nakulong, habang namumuhay din sa mga matitinding pakikipagsapalaran—mula sa mabagyuhing dagat hanggang sa matinding init ng mga disyerto. Ngunit makalipas ang ilang taon, isang liblib na yungib sa mataas na bahagi ng bundok ng Palm Springs ang naging kanyang tahanan. At kahit na may sariling yate at pribadong eroplano ang kanyang ama, natagpuan ni Doug ang kanyang sarili na naghahanap ng pagkain sa mga basurahan.
Maraming taon na mailap ang kaligayahang hinahanap ni Doug—hanggang sa isang araw, natagpuan niya ang isang maalikabok na Bibliya na iniwan ng kung sino sa kanyang yungib. Sa patuloy niyang pagbasa nito, siya’y naniwala at tinanggap si Kristo bilang kanyang Tagapagligtas!
Maaari mong basahin ang higit pa tungkol sa kanyang kamangha-manghang kuwento sa aklat na The Richest Caveman.
Sa kasalukuyan, si Pastor Doug ay isang masiglang tagapagsalita na may malinaw na pananaw at malalim na espirituwalidad. Taglay niya ang kakaibang kakayahang makipag-ugnayan hindi lamang sa mga taong aktibo sa simbahan, kundi pati na rin sa mga hindi relihiyoso o sekular ang pag-iisip. Ang kanyang likas na pagiging palabiro at praktikal na paraan ng pagsasabuhay ng pananampalatayang Kristiyano ay tumatagos sa puso ng mga tagapakinig—sa paraang bihira lamang na nagagawa ng iba.
Si Doug at ang kanyang asawang si Karen ay kasalukuyang naninirahan sa Sacramento area. Ilan sa kanyang mga hilig ay ang pagtugtog ng gitara, scuba diving, at racquetball. Tulad ng kanyang ama, siya rin ay isang tagahanga ng aviation at isang piloto. Ilan sa iba pa niyang mga akda ay ang Shadows of Light: Seeing Jesus in All the Bible at The Truth About Mary Magdalene.